ತಕ್ಕನಿಗೂ .. ಮುಕ್ಕನಿಗೂ.. ಜೋಡಿ, ಇದು ಕೆ.ಆರ್.ಪೇಟೆ ಗ್ರಂಥಾಲಯ ಮತ್ತು ಮುನ್ಸಿಪಾಲ್ಟಿ ಸರ್ಕಾರಗಳ ಮೋಡಿ!

ಇದು ಕೆ.ಆರ್.ಪೇಟೆ ಗ್ರಂಥಾಲಯದ ಕಥೆ ಮಾತ್ರವಲ್ಲ, ಇಂಥ ಎಷ್ಟೋ ಗ್ರಂಥಾಲಯಗಳಲ್ಲಿ ಇದೇ ಸ್ಥಿತಿಯಿದೆ ಆದರೆ ಕೇಳೋರ್ ದಿಕ್ಕಿಲ್ಲಾ ಅಷ್ಟೇ . ನಿಮಗೆ ಗೊತ್ತ ಈ ಹಿಂದೆ ಒಬ್ಬರು ಗ್ರಂಥ ಪಾಲಕರು ಇದ್ದರು ಅವರು ಸುಮಾರಾಗಿ ಕೆಲಸ ಮಾಡ್ತಿದ್ರು, ಆದರೆ ಅವರು ಸುಮಾರು ಒಂದೊರ್ಷದ ಹಿಂದೆ ತಮ್ಮ ಊರಿಗೆ ಹತ್ರ ಹಾಗೋ ಹಾಗೆ ವರ್ಗಾವಣೆ ಮಾಡಿಸ್ಕೊಂಡಿದ್ದಾರೆ. ಈಗ ಈ ತಾಲೋಕ್ ಗ್ರಂಥಾಲಯದಲ್ಲಿ ಕೆಲಸ ಮಾಡ್ತಿರೋದು ಗ್ರಾಮಪಂಚಾಯಿತಿ ಗ್ರಂಥಾಲಯಕ್ಕೆ ನೇಮಕ ಮಾಡಿಕೊಂಡಿರೋರಿರಬಹುದೇನೋ ಅಂತ ನಮ್ಮ ಅನಿಸಿಕೆ. ಈ ಗ್ರಂಥಾಲಯಕ್ಕೆ ಈಗ ಇವರೇ ಮೇಲ್ವಿಚಾರಕರಂತೆ. ಇನ್ನೊಂದು ವಿಷಯ ಅಂದ್ರೆ ಇಲ್ಲೊಬ್ಬ ಸಹಾಯಕ ಅಂತ ಬೇರೆ ಇದ್ದಾರೆ ನಮಗೆ ತಿಂಗಳಿಗೆ ೫೦೦-೭೫೦ ರೂಪಾಯಿ ಕೊಡ್ತಾರೆ ಆದರೂ ಕೆಲಸ ಮಾಡ್ತಿದ್ದೀವಿ ಅಂತ ಕೇಳಿದೋರಿಗೆ ಮಾತ್ರ ಹೇಳ್ತಾರೆ,ನಮ್ಮಗೆ ಗೊತ್ತಿರೋ ಹಾಗೆ' ಆ ಮೇಲ್ವಿಚಾರಕರಿಲ್ಲದಾಗ ಈ ಸಹಾಯಕರು ಮೇಲ್ವಿಚಾರಕರಾಗ್ತಾರೆ! ಇವರಿಗೆನಾದ್ರು ತುಂಬಾ ವಯಕ್ತಿಕ ಕೆಲಸವಿದ್ದರೆ ತಮ್ಮ ತಂದೇನೋ/ಗೊತ್ತಿರುವ ವ್ಯಕ್ತಿಯನ್ನ ಮೇಲ್ವಿಚಾರಕರ ಹುದ್ದೆಗೆ ನೇಮಿಸ್ಬಿಡ್ತಾರೆ, ಹೀಗಿರಬೇಕಪ್ಪ' ಒಬ್ಬರಿಗೊಬ್ಬರ ಸಹಕಾರ ಅಂದ್ರೆ !,ಈ ರೀತಿ ನೇಮಕಗೊಂಡ ವ್ಯಕ್ತಿ ತಮಗೆ ಮನೆಕಡೆ ಏನಾದ್ರೂ ಕೆಲಸ ಇದ್ದರೆ ಒಂದೊತ್ತು ಮಾತ್ರ ಬಾಗಿಲು ತೆಗೆದು ಮತ್ತೊಂದೊತ್ತಿಗೆ ಚಕ್ಕರ್.ಅಷ್ಟಕ್ಕೂ ಇಲ್ಲಿ ಇವರೇನೂ ಘನ೦ಧಾರಿ ಕೆಲಸ ಏನ್ ಮಾಡೋಲ್ಲ ಬೆಳಿಗ್ಗೆ ೯:೩೦-೯:೪೫ ರ ಸುಮಾರಿಗೆ ಬಾಗಿಲು ತೆಗೆಯೋದಂತೂ ಗ್ಯಾರಂಟಿಯಂತೆ! ಒಂದು ದಿವಸ ಕನ್ನಡ ಪತ್ರಿಕೆ ಇದ್ರೆ ಆಂಗ್ಲ ಪತ್ರಿಕೆ ಇರೋಲ್ಲಾ , ಆಂಗ್ಲ ಪತ್ರಿಕೆ ಇದ್ರೆ ಕನ್ನಡ ಪತ್ರಿಕೆ ಇರೋಲ್ಲಾ, ಪತ್ರಿಕೆಗಳಿದ್ದರೂ ಒಳಪುಟಗಳ ಗ್ಯಾರಂಟಿ ಇಲ್ಲ, ವಾರ ಪತ್ರಿಕೆ, ಮಾಸ ಪತ್ರಿಕೆಗಳದ್ದು ಅದೇ ಗೋಳು, ಸರ್ಕಾರಿ/ಇತರೆ ರಜಾ ದಿನಗಳ ಪತ್ರಿಕೆಗಳು ಸಿಕ್ಕಿದ್ರೆ ಓದುಗರ ಅದೃಷ್ಟವೇ ಸರಿ . ಯಾರಾದ್ರೂ ಇದರ ಬಗ್ಗೆ ಬೇಜಾರಾಗಿ ಕೇಳಿದರೆ ಪೇಪರ್ನೋರು ಹಾಕೆ ಇಲ್ಲ ಅನ್ನೋ ಉತ್ತರ ರೆಡಿ ಇರುತ್ತೆ, ಅದಕ್ಕೂ ಮೀರಿ ಪತ್ರಿಕೆಗಳ ನೋಂದಣಿ ಪುಸ್ತಕ ತೋರಿಸಿ ಅಂದು ಬಿಟ್ಟರೆ ಸಾಕು', ಬಂದಿರಬಹುದು' ಇದ್ರೆ ಅಲ್ಲೇ ಇರುತ್ತೆ ಇಲ್ಲಾಂದ್ರೆ ಯಾರೋ ಎಗರಿಸಿರ್ತಾರೆ ಬಿಡಿ ಅನ್ನೋ ಬೇಜವಾಬ್ದಾರಿ ಉತ್ತರ ಕೊಡೋದ್ರಲ್ಲಿ ನಿಸ್ಸೀಮರು. ಗಡಿಯಾರಕ್ಕೂ ಕೂಡ ತಮಗೆ ಬೇಕಾದ ರೀತಿ ತರಬೇತಿ ನೀಡಿದ್ದಾರೆ ೧೧:೫೦ ಕ್ಕೆ ಹೊರ ಹೊರಡಲು ಸಿದ್ದತೆ ನಡೆಸಿದರೂ ಮುಚ್ಚೋದು ಮಾತ್ರ ಖಡಕ್ ಮದ್ಯಾಹ್ನ ೧೨ ಕ್ಕೆ ,ಅಬ್ಬಾ ಎಂತಾ ಶಿಸ್ತು ಅಂತ ಅನ್ನೋಕೆ ಶುರು ಮಾಡಿದ್ರೆ ಮೇಲ್ವಿಚಾರಕರು ತಿಂಗಳಿಗೆ ೩-೬ ದಿನ ಇರೋಲ್ಲ ಸಹಾಯಕ ಮೇಲ್ವಿಚಾರಕರಿಗೆ ತಿಳಿಸಿರ್ತಾರೆ ಅವರೂ ಕೂಡ ಬರೋಕಾಗೊಲ್ಲ ಅಂತಂದ್ರೆ ಆ ದಿನ ಗ್ರಂಥಾಲಯ ಸಂಪೂರ್ಣ ಬಂದ್' ಕಾರಣದ ನೋಟಿಸ್ ಕೂಡ ನೋಡೋಕೆ ಸಿಗೋಲ್ಲಾ .
ಯಾರದ್ರೂ ಇವರನ್ನ ಇದರ ಬಗ್ಗೆ ಕೇಳಿದ್ರೆ ತೋರಿಸ್ತಾರೆ ಕಡೆ ಬೆರಳನ್ನ! ನನ್ನ ಕೇಳೋಕೆ ಬರ್ತೀರಲ್ಲ ಹಳೆ ಗ್ರಂಥಾಲಯದ ಕಟ್ಟಡವನ್ನ ಕೆಡವಿ ಸೂಕ್ತವಲ್ಲದ ಚಿಕ್ಕದೊಂದು ರೂಂ ಕೊಟ್ಟಿದ್ದಾರೆ ಗ್ರಂಥಾಲಯ ನಡಿಸೋಕೆ ಮುನ್ಸಿಪಾಲಿಟಿಯವರು ,ಸೈಟ್ ಕೊಟ್ರೆ ನಾವೇ ದೊಡ್ಡ ಗ್ರಂಥಾಲಯ ಕಟ್ಟಿಸ್ಕೊತೀವಿ ಸರಿಯಾದ ಸಮಯಕ್ಕೆ ಕೆಲಸಕ್ಕೆ ಬರೋಕೆ ಮನಸ್ಸೂ ಬರುತ್ತೆ ಅಂತಾರೆ . ಅಷ್ಟೇ ಏಕೆ ಟೌನ್ ಜನರಿಂದ ಮುನ್ಸಿಪಾಲಿಟಿಯವರು ಕಟ್ಟಿಸ್ಕೊಳೋ ಗ್ರಂಥಾಲಯದ ಶುಲ್ಕವನ್ನ ನಮಗೆ ಗೋಗರೆದರೂ ಕೊಡುತ್ತಿಲ್ಲ ,ನಮಗೆ ಕೊಟ್ಟರೆ ಈ ವಿದ್ಯುತ್ ಶುಲ್ಕ ಕಟ್ಟಿಕೊಳ್ಳುತ್ತೇವೆ ಇನ್ನು ಹೆಚ್ಚು ಹೊತ್ತು ಅಂತಂದ್ರೆ ರಾತ್ರಿ ೮ ಗಂಟೆಯವರೆಗೂ ಬಾಗಿಲು ತೆಗೆಯುತ್ತೇವೆ ಗೊತ್ತೇನ್ರಿ ಎಂದು ಕುಂಟುನೆಪ ಹೇಳಿ ಕೇಳಿದೋರ ಬಾಯಿ ಮುಚ್ಚಿಸಿಬಿಡುತ್ತಾರೆ. ಅದೂ ಸರಿ ಅನ್ನಿ ಹೌದು ಇವರ ದೂರುತ್ತಿರುವ ಮುನ್ಸಿಪಾಲಿಟಿಯವರು ಕೇಳಿದ್ರೆ ,ಇದ್ದ ಸೈಟಗಳನ್ನ ಹಂಚಿ ಬಿಟ್ಟಿದ್ದೇವೆ ನಿಮಗೆಲ್ಲಿಂದಾ ತರೋದು ? ಇರೋದನ್ನೇ ಅಡ್ಜಸ್ಟ್ ಮಾಡ್ಕೊಳ್ಳಿ ಮುಂದೆ ಮತ್ತೆ ನಮಗೆ ಆಡಳಿತ ಸಿಕ್ಕಿದ್ರೆ ಸೈಟ್ ಹುಡುಕಿ ಕೊಡ್ತೇವೆ ಅನ್ನೋ ಅರ್ಥದಲ್ಲಿ ಮಾತಾಡ್ತಾರೆ ಕೆಲವೊಮ್ಮೆ ಬೇಜವಬ್ದಾರಿ ಆಶ್ವಾಶನೆಯನ್ನೂ ನೀಡಿದ್ದಾರೆ . ಇತ್ತೀಚಿಗೆ ಈ ಬಗ್ಗೆ ಕನ್ನಡಪರ ಸಂಘಟನೆಯೊಂದು ಧರಣಿ ಮಾಡಿದ್ದನ್ನು ಕಂಡು ಗ್ರಂಥಾಲಯಕ್ಕೆ ಸೈಟ್ ಕೊಡುವುದಂತೂ ಗ್ಯಾರಂಟಿ ಅಂತ ಎಷ್ಟೋ ಜನ ಓದುಗರು ನಿಶ್ಚಿ೦ತೆಯಿ೦ದಿದ್ದ್ರು ಆದರೆ ಸೈಟ್ ಎಲ್ಲಿ ಬಂತು ? ಕನಿಷ್ಠ ಪಕ್ಷ ಸಾರ್ವಜನಿಕರತ್ರ ಗ್ರಂಥಾಲಯದ ಹೆಸರು ಹೇಳ್ಕೊಂಡು ಮುನ್ಸಿಪಾಲಿಟಿಯವರು ಸಂಗ್ರಹಿಸೋ ಗ್ರಂಥಾಲಯದ ಸೆಸ್ಸನ್ನ ಕೊಟ್ರೆ ಸಾಕಾಗಿದೆ, ಗ್ರಂಥಾಲಯದ ಹೆಸರಿನಲ್ಲಿ ಬಾಕಿ ಇರೋ ವಿದ್ಯುತ್ ಬಿಲ್ ಕಟ್ಟಿಸಿ ಸಾಯಂಕಾಲ ೪ ಘಂಟೆಗೋ ೪:೩೦ ರ ಹೊತ್ತಿಗೋ ಬಾಗಿಲು ತೆಗೆದು ೬:೩೦ ಕ್ಕೆ ಹೆಚ್ಚು ಜನ ಕಾಣಿಸಲಿಲ್ಲ ಅಂತಂದ್ರೆ ೬ ಘಂಟೆಗೆ ಬಾಗಿಲು ಮುಚ್ಚೋದಾದರು ತಪ್ಪಿಸಬಹುದು ಎಂದು ನಿಟ್ಟುಸಿರು ಬಿಡುತ್ತಿದ್ದಾರೆ ಇಲ್ಲಿಗೆ ದಿನ ಬರೋರು .
ಇವರನ್ನ (ಗ್ರಂಥಾಲಯದವರನ್ನ ಹಾಗೂ ಟೌನ್ /ಕ್ಷೇತ್ರ ಆಡಳಿತದವರನ್ನ ) ಮಂತ್ರಿಯಾದರೂ ಕಚ್ಚಾಬಾರ್ದಾ , ಮುಖ್ಯ ಮಂತ್ರಿಯಾದರೂ ಕಡಿಯಾಬಾರ್ದಾ ,ತಂದಾನಾನೋ ತಾನಾ ತಂದಾನಾನೋ ಎಂದು ತಮ್ಮಷ್ಟಕ್ಕೆ ತಾವೇ ಗಾನ ಭಾಜಾಯಿಸಿಕೊಳ್ಳುತ್ತಿದ್ದಾರೆ ಕೆಲ ಕೆ.ಆರ್ .ಪೇಟೆಯ ಓದುಗ ಮಂದಿ.

ಒಟ್ಟಿನಲ್ಲಿ ಗ್ರಂಥಲಯದ ಸೆಸ್ಸು ಯಾವ ಯಾವ ಹುಂಡಿಗೆ ಹೋಗುತ್ತಿದೆಯೋ? ಮುನ್ಸಿಪಾಲಿಟಿಯವರೇ ದಯಮಾಡಿ ತಿಳಿಸಬೇಕು .ಮುಖ್ಯಮಂತ್ರಿಯವರ ತವರು ತಾಲೋಕಿನ ಕಥೆಯೇ ಹೀಗಾದ್ರೆ ಬೇರೆ ತಾಲೋಕುಗಳಲ್ಲಿ ಇನ್ನೇಗೋ ಯಾರಿಗೆ ಗೊತ್ತು ಸ್ವಾಮೀ ..?